NEET UG 2026 ಮರುಪರೀಕ್ಷೆಗೆ ಸಂಬಂಧಿಸಿದಂತೆ ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (NTA) ಮಹತ್ವದ ಪ್ರಕಟಣೆ ಹೊರಡಿಸಿದ್ದು, ಮೇ 3, 2026ರಂದು ನಡೆದ ಪರೀಕ್ಷೆ ರದ್ದಾದ ಬಳಿಕ ಆತಂಕದಲ್ಲಿದ್ದ 22.79 ಲಕ್ಷ ವೈದ್ಯಕೀಯ ಆಕಾಂಕ್ಷಿಗಳಿಗೆ ದೊಡ್ಡ ನೆಮ್ಮದಿ ಸಿಕ್ಕಿದ್ದು, ಮರುಪರೀಕ್ಷೆಗೆ ಹೊಸ ನೋಂದಣಿ ಅಗತ್ಯವಿಲ್ಲ, ಹಳೆಯ ಅರ್ಜಿ ಸಂಪೂರ್ಣ ಮಾನ್ಯವಾಗಿರುತ್ತದೆ, ಪ್ರವೇಶ ಪತ್ರ ಮಾತ್ರ ಹೊಸದಾಗಿ ನೀಡಲಾಗುತ್ತದೆ ಹಾಗೂ ಹೆಚ್ಚುವರಿ ಶುಲ್ಕ ಸಂಪೂರ್ಣವಾಗಿ ಇಲ್ಲ ಎಂದು ಸ್ಪಷ್ಟಪಡಿಸಿದ್ದು, ಜೊತೆಗೆ ಫೆಬ್ರವರಿ 8ರಿಂದ ಮಾರ್ಚ್ 11ರವರೆಗೆ ನಡೆದ ನೋಂದಣಿ ವೇಳೆ ಸಲ್ಲಿಸಿದ ಎಲ್ಲಾ ವಿವರಗಳು, ಪರೀಕ್ಷಾ ಕೇಂದ್ರ ಆಯ್ಕೆ ಮತ್ತು ದಾಖಲೆಗಳು ಯಥಾವತ್ತಾಗಿ ಮಾನ್ಯವಾಗಲಿವೆ ಎಂದು ತಿಳಿಸಿದೆ, ಈ ಮರುಪರೀಕ್ಷೆಯನ್ನು NTA ತನ್ನ ಸ್ವಂತ ವೆಚ್ಚದಲ್ಲಿ ನಡೆಸಲಿದ್ದು, ವಿದ್ಯಾರ್ಥಿಗಳಿಂದ ಯಾವುದೇ ಹೆಚ್ಚುವರಿ ಹಣ ಪಡೆಯಲಾಗುವುದಿಲ್ಲ, ಈಗಾಗಲೇ ಪರೀಕ್ಷೆಗೆ ಪಾವತಿಸಿದ ಶುಲ್ಕವನ್ನು ಹಿಂತಿರುಗಿಸಲಾಗುವುದು ಆದರೆ ರಿಫಂಡ್ ದಿನಾಂಕ ಮತ್ತು ಪ್ರಕ್ರಿಯೆಯ ವಿವರಗಳನ್ನು ಮುಂದಿನ ದಿನಗಳಲ್ಲಿ ಪ್ರಕಟಿಸಲಾಗುವುದು ಎಂದು ಹೇಳಿದ್ದು, ಸುಮಾರು ₹1000–₹1700 ಪ್ರತಿ ವಿದ್ಯಾರ್ಥಿಯಿಂದ ಸಂಗ್ರಹವಾಗಿದ್ದ ಶುಲ್ಕದ ಆಧಾರದಲ್ಲಿ ಒಟ್ಟು ಸುಮಾರು ₹360 ಕೋಟಿ ಮರುಪಾವತಿ ಆಗುವ ಸಾಧ್ಯತೆ ಇದೆ ಎಂದು ಅಂದಾಜಿಸಲಾಗಿದೆ, ಈ ನಡುವೆ ವಿದ್ಯಾರ್ಥಿಗಳು ಮತ್ತು ಪೋಷಕರು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಡುತ್ತಿರುವ ಅಪ್ರಮಾಣಿತ ವದಂತಿಗಳನ್ನು ನಂಬಬಾರದೆಂದು ಎಚ್ಚರಿಕೆ ನೀಡಿರುವ NTA, ಯಾವುದೇ ಕೋಚಿಂಗ್ ಸಂಸ್ಥೆ ಅಥವಾ ಮೂರನೇ ವ್ಯಕ್ತಿ “ಮರು-ನೋಂದಣಿ” ಹೆಸರಿನಲ್ಲಿ ಹಣ ಕೇಳಿದರೆ ಅದು ಸಂಪೂರ್ಣ ವಂಚನೆ ಎಂದು ತಿಳಿಸಿದ್ದು, ಮರುಪರೀಕ್ಷೆಯ ದಿನಾಂಕವನ್ನು ನಂತರ ಪ್ರಕಟಿಸಲಾಗುವುದು, ಹಾಲ್ ಟಿಕೆಟ್ ಸೇರಿದಂತೆ ಎಲ್ಲಾ ಅಧಿಕೃತ ಮಾಹಿತಿ ಕೇವಲ neet.nta.nic.in ಮತ್ತು nta.ac.in ವೆಬ್ಸೈಟ್ಗಳಿಂದ ಮಾತ್ರ ಪಡೆಯಬೇಕು ಎಂದು ಸೂಚಿಸಿದ್ದು, SMS ಅಲರ್ಟ್ಗಾಗಿ ನೋಂದಾಯಿತ ಮೊಬೈಲ್ ನಂಬರ್ ಚಾಲ್ತಿಯಲ್ಲಿಡಲು ಹೇಳಿದ್ದು, ಹೆಚ್ಚಿನ ಮಾಹಿತಿಗೆ neet-ug@nta.ac.in ಇಮೇಲ್ ಅಥವಾ 011-40759000 ಸಂಖ್ಯೆಗೆ ಸಂಪರ್ಕಿಸಬಹುದು ಹಾಗೂ ಪರೀಕ್ಷೆಯ ಪಠ್ಯಕ್ರಮ ಮತ್ತು ಮಾದರಿಯಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ಸ್ಪಷ್ಟಪಡಿಸಿದೆ.
About the Author
