ಚಿಕ್ಕಮಗಳೂರು: ಶೇರ್ ಮಾರ್ಕೆಟ್ ಹೆಸರಿನಲ್ಲಿ ನಡೆದ ದೊಡ್ಡ ಮಟ್ಟದ ಆನ್‌ಲೈನ್ ವಂಚನೆ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ಇಂಡಿಯನ್ ಸ್ಟಾಕ್ ರಿಲಯನ್ಸ್ ಸೆಕ್ಯುರಿಟೀಸ್ ಎಂಬ ನಕಲಿ ಖಾತೆ ತೆರೆಯಲಾಗಿದ್ದು, ವಾಟ್ಸಾಪ್‌ನಲ್ಲಿ ಬಂದ ಲೋಗೋ ನಂಬಿದ ಶೃಂಗೇರಿ ಮೂಲದ 72 ವರ್ಷದ ಶಂಕರ್ ನಟರಾಜನ್ ಅವರಿಂದ ಖದೀಮರು ಹಂತ ಹಂತವಾಗಿ 3.27 ಕೋಟಿ ರೂ ವಂಚಿಸಿದ್ದು, “ನಿಮ್ಮ ಹೂಡಿಕೆಗೆ 9 ಕೋಟಿ ರೂ ಲಾಭ ಬಂದಿದೆ, ಅದನ್ನು ಪಡೆಯಲು 1.09 ಕೋಟಿ ರೂ ಕಮಿಶನ್ ಪಾವತಿಸಬೇಕು” ಎಂದು ಹಣ ವರ್ಗಾಯಿಸಿಕೊಳ್ಳಲು ಒತ್ತಾಯಿಸಿದ ನಂತರ ವಿವಿಧ ಹಂತಗಳಲ್ಲಿ ಹಣವನ್ನು ದೋಚಿದ್ದಾರೆ. ಬಳಿಕ ಮಹಾರಾಷ್ಟ್ರದಲ್ಲಿರುವ ಇಂಡಿಯನ್ ಸ್ಟಾಕ್ ರಿಲಯನ್ಸ್ ಸೆಕ್ಯುರಿಟೀಸ್ ಕೇಂದ್ರ ಕಛೇರಿಗೆ ಭೇಟಿ ನೀಡಿದಾಗ ಇದು ಸಂಪೂರ್ಣ ವಂಚನೆ ಎಂದು ತಿಳಿದು ಬಂದಿದ್ದು, ಸದ್ಯಕ್ಕೆ ಚಿಕ್ಕಮಗಳೂರು ಸೈಬರ್ ಪೋಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
