ಚಿಕ್ಕಮಗಳೂರು : ಕಾಫಿನಾಡಲ್ಲಿ ಮತ್ತೊಂದು ಕಾಡಾನೆ ಸೆರೆ!

ಚಿಕ್ಕಮಗಳೂರು: ಚಿಕ್ಕಮಗಳೂರಿನ ಎನ್.ಆರ್.ಪುರ ತಾಲೂಕಿನ ಕುಪ್ಪೂರಿನಲ್ಲಿ ಕಳೆದ ಆರು ತಿಂಗಳಿಂದ ಮಡಬೂರು ಮತ್ತು ಸುತ್ತಮುತ್ತಲಿನ ಕೃಷಿಭೂಮಿಗಳಿಗೆ ಧ್ವಂಸವನ್ನರಳಿಸುತ್ತಿದ್ದ ಪುಂಡ ಕಾಡಾನೆಯು ಅಂತಿಮವಾಗಿ ಸೆರೆಬಿದ್ದಿದೆ. ಜನರ ಆಕ್ರೋಶದ ನಡುವೆಯೇ ಇಂದು ಬೆಳಗ್ಗೆ ಅರಣ್ಯ ಇಲಾಖೆ ಈ ಆಪರೇಷನ್‌ ನಡೆಸಿದ್ದು, ಶಿವಮೊಗ್ಗದ ಸಕ್ರೆಬೈಲಿನ ಕುಮ್ಕಿ ಆನೆಗಳ ನೆರವಿನಿಂದ ಯಶಸ್ವಿಯಾಗಿ ಈ ಆನೆ ಸೆರೆಯಾಗಿದೆ. ಈ ಕಾರ್ಯಾಚರಣೆಯಲ್ಲಿ ಡಿ.ಎಫ್.ಒ. ಶಿವಶಂಕರ್, ಆರ್.ಎಫ್.ಒ. ಪ್ರವೀಣ್, ವೈದ್ಯ ಮುರುಳಿ ಮತ್ತು ಸಿಬ್ಬಂದಿ ಭಾಗವಹಿಸಿದ್ದರು. ಮಲೆನಾಡಿನಲ್ಲಿ ಇತ್ತೀಚೆಗೆ ನಡೆದ ಎರಡನೇ ಆನೆ ಸೆರೆಕಾರ್ಯಾಚರಣೆಯೂ ಇದಾಗಿದ್ದು, ಒಂದು ಆನೆ ಸೆರೆಹಿಡಿದ ಬಳಿಕ ಕಾರ್ಯಾಚರಣೆ ನಿಲ್ಲಿಸಿದ್ದಕ್ಕೆ ಸ್ಥಳೀಯರು ಅಸಮಾಧಾನ ವ್ಯಕ್ತಪಡಿಸಿದ್ದರಾದರೂ, ಅರಣ್ಯ ಸಚಿವ ಖಂಡ್ರೆ ಎರಡನೇ ಆನೆ ಸೆರೆಗೆ ಅನುಮತಿ ನೀಡಿ ಸಾರ್ವಜನಿಕ ಬೇಡಿಕೆಗೆ ಸ್ಪಂದಿಸಿದ್ದಾರೆ.