ರಾಜ್ಯಾದ್ಯಂತ ನಡೆಯುತ್ತಿರುವ ಬಸ್ ಮುಷ್ಕರದ ಪರಿಣಾಮವಾಗಿ, ಶಾಲಾ-ಕಾಲೇಜುಗಳು ಹಾಗೂ ಉದ್ಯೋಗಸ್ಥರಿಗೆ ತೀವ್ರ ಪರದಾಟವಾಗಿದ್ದು, ಪ್ರಯಾಣದ ವ್ಯವಸ್ಥೆ ಇಲ್ಲದ ಕಾರಣ ವಿದ್ಯಾರ್ಥಿಗಳು ಮತ್ತು ಸಾರ್ವಜನಿಕರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಈ ಹಿನ್ನೆಲೆಯಲ್ಲಿ ತುಮಕೂರು ವಿಶ್ವವಿದ್ಯಾಲಯವು ಇಂದು ನಡೆಯಬೇಕಾಗಿದ್ದ ಬಿಎ ಪದವಿ ಹಾಗೂ ಎಲ್ಲಾ ಸ್ನಾತಕೋತ್ತರ ಪರೀಕ್ಷೆಗಳನ್ನು ಮುಂದೂಡಿದೆ. ಬಸ್‌ಗಳ ಲಭ್ಯತೆ ಇಲ್ಲದ ಕಾರಣದಿಂದ ವಿದ್ಯಾರ್ಥಿಗಳು ಪರೀಕ್ಷಾ ಕೇಂದ್ರಗಳಿಗೆ ತಲುಪಲು ಸಾಧ್ಯವಾಗದ ಹಿನ್ನೆಲೆ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಮರು ನಿಗದಿತ ದಿನಾಂಕಗಳನ್ನು ಶೀಘ್ರದಲ್ಲೇ ಪ್ರಕಟಿಸಲಾಗುವುದು ಎಂದು ವಿವಿ ಪ್ರಕಟಣೆಯಲ್ಲಿ ತಿಳಿಸಿದೆ. ತುಮಕೂರಿನಲ್ಲಿ ನೂರಾರು ಬಸ್‌ಗಳು ಸಂಚಾರದಿಂದ ಹೊರಗುಳಿದಿದ್ದು, ಕೆಲವೇ ಬಸ್‌ಗಳು ಕಾರ್ಯನಿರತವಾಗಿವೆ. ದೂರದ ಊರುಗಳಿಂದ ಬರುವ ಬಸ್‌ಗಳಷ್ಟೇ ನಿಲ್ದಾಣಕ್ಕೆ ಆಗಮಿಸುತ್ತಿರುವುದರಿಂದ, ದಿನಪತ್ರಿಕೆಯಲ್ಲಿ ಸಾಮಾನ್ಯವಾಗಿ ಕಂಡುಬರುವ ಪ್ರಯಾಣಿಕರ ಹೊಸ್ತಿಲು ಇಂದು ಇಲ್ಲದಂತಾಗಿದೆ. ಮುಷ್ಕರದ ಬಿಸಿ ನೇರವಾಗಿ ಜನಸಾಮಾನ್ಯರ ಮೆಲೇ ಪರಿಣಾಮ ಬೀರುತ್ತಿದೆ.
