ರಾಜ್ಯಸಭೆಯಲ್ಲಿ ಸಂಸತ್ನ ಭದ್ರತಾ ಸಿಬ್ಬಂದಿಯಿಂದ ಕಾಂಗ್ರೆಸ್ ಸಂಸದ ಅಭಿಷೇಕ್ ಮನು ಸಿಂಘ್ವಿ ಕುಳಿತಿರುತ್ತಿದ್ದ ಸೀಟ್ನಲ್ಲಿ ನೋಟಿನ ಕಂತೆಯನ್ನು ಪತ್ತೆ ಮಾಡಿದ್ದಾರೆ ಎಂದು ರಾಜ್ಯಸಭಾ ಅಧ್ಯಕ್ಷ ಜಗದೀಪ್ ಧನ್ಕರ್ ಆರೋಪಿಸಿದ್ದಾರೆ. ಜಗದೀಪ್ ಧನ್ಕರ್ ಅವರ ಈ ಹೇಳಿಕೆಯಿಂದ ಸಿಟ್ಟಿಗೆದ್ದ ಕಾಂಗ್ರೆಸ್ ಪ್ರತಿಭಟನೆ ಮುಂದಾಗಿದ್ದು. ಆರೋಪವನ್ನು ತಳ್ಳಿ ಹಾಕಿರುವ ಕಾಂಗ್ರೆಸ್ ಸಂಸದ ಅಭಿಷೇಕ್ ಮನು ಸಿಂಘ್ವಿ, ನಾನು ರಾಜ್ಯಸಭೆಗೆ ಬರುವ ಮುನ್ನ ಕೇವಲ ಐನೂರು ರೂಪಾಯಿ ಇಟ್ಟುಕೊಂಡು ಬಂದಿದ್ದೆ. ಇಂತಹ ವಿಷಯವನ್ನು ನಾನು ರಾಜ್ಯಸಭೆಯಲ್ಲಿ ಮೊದಲ ಬಾರಿ ಕೇಳುತ್ತಿದ್ದೇನೆ. ನಾನು ರಾಜ್ಯಸಭೆಗೆ 12.57 ಕ್ಕೆ ಬಂದಿದ್ದೆ. ರಾಜ್ಯಸಭಾ ಕ್ಯಾಂಟೀನ್ನಲ್ಲಿ ಅಯೋಧ್ಯ ಸಂಸದ ಎಂಪಿ ಅವಧೇಶ್ ಪ್ರಸಾದ್ರೊಂದಿಗೆ 1.30ರವರೆಗೆ ಕುಳಿತುಕೊಂಡಿದ್ದೆ ಎಂದು ಹೇಳಿದ್ದಾರೆ. ಜೊತೆಗೆ ರಾಜ್ಯಸಭಾ ಅಧ್ಯಕ್ಷ ತನಿಖೆಗೆ ಆದೇಶ ನೀಡಿದ್ದನ್ನು ಸ್ವಾಗತಿಸಿದ್ದಾರೆ. ಇನ್ನು ಈ ಬಗ್ಗೆ ಮಾತನಾಡಿದ ರಾಜ್ಯಸಭಾ ಅಧ್ಯಕ್ಷ ಜಗದೀಪ್ ಧನ್ಕರ್, ಭದ್ರತಾ ಪಡೆ ಎಂದಿನಂತೆ ಎಲ್ಲಾ ರಾಜ್ಯಸಭೆಯನ್ನು ಪರಿಶೀಲಿಸುವಾಗ ಈ ಒಂದು ನೋಟಿನ ಕಂತೆ ಸಿಕ್ಕಿದ್ದು ಈಗಾಗಲೇ ತನಿಖೆಗೆ ನಡೆಸುವಂತೆ ಸೂಚಿಸಲಾಗಿದೆ. ನಿನ್ನ ಸಭೆಯನ್ನು ಮುಂದೂಡಿದ ಬಳಿಕ ನಿತ್ಯದಂತೆ ಪರಿಶೀಲನೆ ನಡೆಸುವ ವೇಳೆ ಸಂಸತ್ನ ಭದ್ರತಾ ಸಿಬ್ಬಂದಿಗೆ ಈ ಒಂದು ನೋಟಿನ ಕಂತೆ ಸಿಕ್ಕಿದೆ. 222ನೇ ನಂಬರ್ ಸೀಟ್ನಲ್ಲಿ ನೋಟಿನ ಕಂತೆ ಪತ್ತಯಾಗಿದ್ದು ಆ ಒಂದು ಸೀಟು ಅಭಿಷೇಕ್ ಮನು ಸಿಂಘ್ವಿ ಅವರಿಗೆ ನೀಡಲಾಗಿತ್ತು. ಕಾನೂನಿನ ಪ್ರಕಾರ ತನಿಖೆ ನಡೆಸಬೇಕಾಗುತ್ತದೆ. ಹೀಗಾಗಿ ತನಿಖೆಗೆ ಸೂಚಿಸಲಾಗಿದೆ ಎಂದು ಹೇಳಿದ್ದಾರೆ.ಇನ್ನು ಈ ಬಗ್ಗೆ ಆಕ್ರೋಶ ಹೊರ ಹಾಕಿದ ರಾಜ್ಯಸಭಾ ವಿರೋಧ ಪಕ್ಷ ನಾಯಕ ಮಲ್ಲಿಕಾರ್ಜುನ್ ಖರ್ಗೆ, ನೀವು ಈಗಾಗಲೇ ಹೇಳಿದ್ದೀರಿ ಪ್ರಕರಣ ತನಿಖೆಯ ಹಂತದಲ್ಲಿ ಇದೆ ಎಂದು. ಅದು ಸಂಪೂರ್ಣವಾಗಿ ಸಾಬೀತಾಗುವವರೆಗೂ ನೀವು ಸಂಸದರ ಹೆಸರನ್ನು ಬಹಿರಂಗಗೊಳಿಸುವಂತಿಲ್ಲ ಎಂದು ರಾಜ್ಯಸಭಾ ಅಧ್ಯಕ್ಷರ ವಿರುದ್ಧ ಕಿಡಿ ಕಾರಿದ್ದಾರೆ.
