ಭಾರತೀಯ ರೈತರು, ಮೀನುಗಾರರು ಮತ್ತು ಹೈನುಗಾರರ ಹಿತಾಸಕ್ತಿಗಳನ್ನು ರಕ್ಷಿಸುವುದೇ ನಮ್ಮ ಮೊದಲ ಆಧ್ಯತೆ ಎಂಬುದನ್ನು ಪ್ರಧಾನಮಂತ್ರಿ ನರೇಂದ್ರ ಮೋದಿ ಸ್ಪಷ್ಟಪಡಿಸಿದ್ದಾರೆ. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಭಾರತೀಯ ಉತ್ಪನ್ನಗಳ ಮೇಲೆ 50% ಸುಂಕ ವಿಧಿಸುವ ಆದೇಶ ನೀಡಿದ ಬೆನ್ನಲ್ಲೇ ಮೋದಿ ಅವರ ಈ ಹೇಳಿಕೆ ಮಹತ್ವ ಪಡೆದುಕೊಂಡಿದೆ. ಟ್ರಂಪ್ ಆದೇಶವು ಭಾರತದ ಕೃಷಿ, ಮೀನುಗಾರಿಕೆ ಮತ್ತು ಹೈನುಗಾರಿಕೆ ಉತ್ಪನ್ನಗಳ ಮೇಲೆ ನೇರ ಪರಿಣಾಮ ಬೀರಲಿದ್ದು, ಭಾರತದ ಆರ್ಥಿಕತೆಗೆ ಮತ್ತು ತಾವು ದೇಶೀಯ ಉತ್ಪಾದಕರಿಗೆ ನೀಡುವ ಬೆಂಬಲಕ್ಕೆ ದೊಡ್ಡ ಸವಾಲಾಗಿ ಪರಿಣಮಿಸಬಹುದು. ಇಂತಹ ಸಂದರ್ಭದಲ್ಲೂ ಭಾರತ ತನ್ನ ಶ್ರಮಿಕ ವರ್ಗದ ಜೀವನಮಟ್ಟ ಮತ್ತು ಹಕ್ಕುಗಳಿಗಾಗಿ ಯಾವುದೇ ಬಗೆಯ ರಾಜಿಯನ್ನು ಒಪ್ಪಿಕೊಳ್ಳದು ಎಂದು ಮೋದಿ ದೃಢವಾಗಿ ತಿಳಿಸಿದ್ದಾರೆ. ಅವರು ಈ ಕುರಿತು ಮಾತನಾಡುತ್ತಾ, “ನಮ್ಮ ರೈತ, ಮೀನುಗಾರ, ಹೈನುಗಾರ ಕುಟುಂಬಗಳ ಹಿತಾಸಕ್ತಿಗೆ ವಿರುದ್ಧವಾದ ಯಾವುದೇ ನಿರ್ಧಾರಗಳನ್ನು ನಾವು ತಿರಸ್ಕರಿಸುತ್ತೇವೆ. ದೇಶದ ಹಿತದಿಗಾಗಿ ನಾವು ಯಾವ ಬೆಲೆಯನ್ನಾದರೂ ಪಾವತಿಸಲು ಸಿದ್ಧವಿದ್ದೇವೆ,” ಎಂದು ಹೇಳಿದರು.
