ಶೃಂಗೇರಿ: ವಾರಾಂತ್ಯದ ರಜೆಗಳಾದ ಶನಿವಾರ ಹಾಗೂ ಭಾನುವಾರದ ಜೊತೆಗೆ ಗಣರಾಜ್ಯೋತ್ಸವದ ಪ್ರಯುಕ್ತ ಸೋಮವಾರ ಕೂಡ ರಜೆಯಿದ್ದು ಹಾಗೂ ಲಲಿತ ಪಂಚಮಿಯ ವಿಶೇಷ ದಿನವಾದ್ದರಿಂದ ಜ್ಞಾನದೇವತೆ ಶಾರದಾಂಬ ಸನ್ನಿಧಿಗೆ ಭೇಟಿ ನೀಡುತ್ತಿರುವ ಭಕ್ತರ ಸಂಖ್ಯೆ ಗಣನೀಯವಾಗಿ ಹೆಚ್ಚಾಗಿದೆ. ಮಕ್ಕಳ ವಿದ್ಯಾಭ್ಯಾಸ, ಬುದ್ಧಿವಿಕಾಸ ಹಾಗೂ ಭವಿಷ್ಯ ಶ್ರೇಯಸ್ಸಿಗಾಗಿ ಭಕ್ತರು ಕುಟುಂಬ ಸಮೇತವಾಗಿ ಆಗಮಿಸಿ, ಸರತಿ ಸಾಲಿನಲ್ಲಿ ನಿಂತು ಅಕ್ಷರಾಭ್ಯಾಸ ಮಾಡಿಸುತ್ತಿದ್ದಾರೆ. ಮಕ್ಕಳಿಗೆ ಮೊದಲ ಅಕ್ಷರಗಳನ್ನು ಬರೆಯಿಸುವ ಕಾರ್ಯವನ್ನು ಪಂಡಿತರ ಮಾರ್ಗದರ್ಶನದಲ್ಲಿ ನಡೆಸಲಾಗುತ್ತಿದ್ದು, ನಿಗದಿತ ಕ್ರಮ ಮತ್ತು ಶಿಸ್ತಿನೊಂದಿಗೆ ಅಕ್ಷರಾಭ್ಯಾಸ ನಡೆಯುತ್ತಿದೆ. ವಿವಿಧ ಕಡೆಗಳಿಂದ ಭಕ್ತರು ಆಗಮಿಸುತ್ತಿದ್ದು, ಬೆಳಗ್ಗಿನಿಂದಲೇ ಶಾರದಾಂಬ ಸನ್ನಿಧಿಯಲ್ಲಿ ಜನಸಂದಣಿ ಕಂಡುಬರುತ್ತಿದೆ.
About the Author
