ಆಗಸ್ಟ್ 1ರಿಂದ ಸಾಮಾನ್ಯ ಜನರಿಗೂ ಉದ್ಯಮ ವಲಯಕ್ಕೂ ಹಣಕಾಸಿನ ಮೇಲೆ ಪ್ರಭಾವ ಬೀರುವ ಹಲವು ಪ್ರಮುಖ ನಿಯಮ ಬದಲಾವಣೆಗಳು ಜಾರಿಗೆ ಬರುತ್ತಿವೆ. ಎಲ್‌ಪಿಜಿ, ಸಿಎನ್‌ಜಿಯಂತಹ ಇಂಧನ ದರಗಳಲ್ಲಿ ಪರಿಷ್ಕರಣೆಗಳಾಗಿದ್ದು, ವಾಣಿಜ್ಯ ಎಲ್‌ಪಿಜಿ ಸಿಲಿಂಡರ್ ಬೆಲೆಯು ₹33.50 ಇಳಿಕೆಯಾಗಿದ್ದು, ಇತರ ಇಂಧನಗಳ ದರ ಏರಿಕೆಯಾಗುವ ಸಾಧ್ಯತೆಯಿದೆ. ಯುಪಿಐ ನಿಯಮಗಳಲ್ಲಿ ಹೊಸ ನಿಯಮಗಳು ಜಾರಿಯಾಗಲಿದ್ದು, ಪ್ರತಿದಿನ 50 ಬಾರಿ ಮಾತ್ರ ಬ್ಯಾಲನ್ಸ್ ಪರಿಶೀಲನೆ ಸಾಧ್ಯವಿರುವಂತೆ, 25ಕ್ಕಿಂತ ಹೆಚ್ಚು ಖಾತೆಗಳ ತಪಾಸಣೆ ನಿರ್ಬಂಧಿತವಾಗಲಿದೆ. ಜೊತೆಗೆ ಆಟೊಪೇ ಸಹ ನಿರ್ದಿಷ್ಟ ಸಮಯಕ್ಕೆ ಮಾತ್ರ ಪ್ರಕ್ರಿಯೆಯಾಗುತ್ತದೆ. ಇತ್ತ ಆರ್‌ಬಿಐ ಟ್ರೇಡಿಂಗ್ ಅವಧಿಯನ್ನು ವಿಸ್ತರಿಸಿದ್ದು, ಕಾಲ್ ಮನಿ ಮಾರುಕಟ್ಟೆಗೆ ಬೆಳಗ್ಗೆ 9 ರಿಂದ ಸಂಜೆ 7 ರವರೆಗೆ ಹಾಗೂ ಮಾರ್ಕೆಟ್ ರಿಪೋಗೆ ಬೆಳಗ್ಗೆ 9 ರಿಂದ ಸಂಜೆ 4 ರವರೆಗೆ ಅವಕಾಶ ಕಲ್ಪಿಸಲಾಗಿದೆ. ಆಗಸ್ಟ್ ಮೊದಲ ವಾರದಲ್ಲಿ ನಡೆಯಲಿರುವ ಆರ್‌ಬಿಐನ ಮಾನಿಟರಿ ಪಾಲಿಸಿ ಸಮಿತಿಯ ಸಭೆಯಲ್ಲಿ ಬಡ್ಡಿದರ ಪರಿಷ್ಕರಣೆ ಸಾಧ್ಯತೆಯೂ ಇದೆ, ಕಳೆದ ಕೆಲ ಸಭೆಗಳಲ್ಲಿ ರಿಪೋ ದರ ಶೇ. 6.50 ರಿಂದ ಶೇ. 5.50ಕ್ಕೆ ಇಳಿಸಲಾಗಿದೆ. ಅಲ್ಲದೆ, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಘೋಷಿಸಿರುವ ಶೇ. 25ರಷ್ಟು ಆಮದು ಸುಂಕ ಹಾಗೂ ಹೆಚ್ಚುವರಿ ಪೆನಾಲ್ಟಿ ಭಾರತದ ಔಷಧ, ಎಲೆಕ್ಟ್ರಾನಿಕ್ಸ್, ಜವಳಿ ಕ್ಷೇತ್ರಗಳಿಗೆ ಆರ್ಥಿಕ ಹಿನ್ನಡೆಯಾಗಬಹುದೆಂಬ ಆತಂಕವಿದೆ. ಈ ಎಲ್ಲ ಬದಲಾವಣೆಗಳು ಆರ್ಥಿಕ ಸ್ಥಿತಿಗತಿಗಳ ಮೇಲೆ ನೇರ ಪರಿಣಾಮ ಬೀರುವ ನಿರೀಕ್ಷೆಯಿದೆ.
