ನವದೆಹಲಿ: ಭಾರತದ ಪ್ರಧಾನಮಂತ್ರಿ ನರೇಂದ್ರ ಮೋದಿ ಮತ್ತು ಯುಕೆ ಪ್ರಧಾನಿ ಕೀರ್ ಸ್ಟಾರ್ಮರ್ ಮಧ್ಯೆ ಐತಿಹಾಸಿಕ ಮುಕ್ತ ವ್ಯಾಪಾರ ಒಪ್ಪಂದಕ್ಕೆ ಸಹಿ ಶನಿವಾರ ಲಂಡನ್‌ನ ಚೆಕರ್ಸ್‌ನಲ್ಲಿ ಆಯಿತು. ಈ ಮಹತ್ವದ ಕ್ಷಣವನ್ನು ಉಭಯ ನಾಯಕರು ಭಾರತೀಯ ಶೈಲಿಯ ಮಸಾಲಾ ಚಹಾ ಕುಡಿಯುತ್ತಾ ಸಂಭ್ರಮದಿಂದ ಆಚರಿಸಿದರು. ಈ ವೇಳೆ ಪ್ರಧಾನಿ ಮೋದಿ ತಮ್ಮ ಎಕ್ಸ್‌ ಪೋಸ್ಟ್‌ನಲ್ಲಿ “ಚಾಯ್ ಪೇ ಚರ್ಚಾ ಫಲಪ್ರದವಾಗಿತ್ತು” ಎಂದು ವ್ಯಕ್ತಪಡಿಸಿದರು.
ಚಹಾ ಸವಿಯುತ್ತಿದ್ದಾಗ, ಕೀರ್ ಸ್ಟಾರ್ಮರ್ ಭಾರತದಲ್ಲಿ ತಯಾರಾಗುವ ಮಸಾಲಾ ಚಹಾಗೆ ಮೆಚ್ಚುಗೆ ವ್ಯಕ್ತಪಡಿಸಿ, ಭಾರತ-ಯುಕೆ ಸಂಬಂಧಗಳು ಚಹಾದಷ್ಟು ಪರಿಮಳಭರಿತವಾಗಿವೆ ಎಂದರು. ಪ್ರಧಾನಿ ಮೋದಿ ಹಾಗೂ ಕೀರ್ ಸ್ಟಾರ್ಮರ್ ಇಬ್ಬರೂ ಕ್ರಿಕೆಟ್ ಹಬ್ಸ್‌ನ ಯುವ ಆಟಗಾರರೊಂದಿಗೆ ಸಂವಾದ ನಡೆಸಿ, ಕ್ರಿಕೆಟ್ ಹಾಗೂ ಫುಟ್ಬಾಲ್‌ ಮಾಧ್ಯಮಗಳ ಮೂಲಕ ಉಭಯ ದೇಶಗಳ ಜನತೆಗೆ ಸಂಪರ್ಕ ಹೆಚ್ಚಿಸುವ ನಿಟ್ಟಿನಲ್ಲಿ ಧ್ಯೇಯ ವ್ಯಕ್ತಪಡಿಸಿದರು.
ಈ ಒಪ್ಪಂದ ಯುಕೆ ಯುರೋಪಿಯನ್ ಯೂನಿಯನ್ ತೊರೆದ ಬಳಿಕ ಅತಿ ಪ್ರಮುಖ ತಾಂತ್ರಿಕ ಒಪ್ಪಂದವೆಂದು ಸ್ಟಾರ್ಮರ್ ಗುರುತಿಸಿದರೆ, ಮೋದಿ ಈ ಒಪ್ಪಂದವನ್ನು ಉಭಯ ರಾಷ್ಟ್ರಗಳ ಸಮೃದ್ಧಿ ಕಾಯ್ದುಕೊಳ್ಳುವ ನೀಲನಕ್ಷೆ ಎಂದು ಶ್ಲಾಘಿಸಿದರು. ಇದು ಪ್ರಧಾನಮಂತ್ರಿ ಮೋದಿ ಅವರ ನಾಲ್ಕನೇ ಯುಕೆ ಪ್ರವಾಸವಾಗಿದೆ.
